<?xml version="1.0" encoding="UTF-8"?><song><hymn_number>64</hymn_number>
<time_sig>10.11.10.11.</time_sig>
<lyrics>[V1]
 Chisʋs, hatak yoshoba i̱ kana
 Chia hoka, chi anukcheto lishke:
 Yʋmohmi pulla ka is sa̱ hullot,
 Is si anukfihinlashke, Chisʋs ma!

[V2]
 Iti 'taiyukhʋna ahonʋhlʋt,
 Hatak yoshoba moma ʋlhtoba hosh,
 Chilli tok okʋt, is sa̱ nukha̱klot,
 Is si anukfihinlashke, Chisʋs ma!

[V3]
 Hatak yoshoba ilbʋsha yoka
 Pilla ish okchalinchi hatuk ocha,
 Ʋno chi̱ yoshoba li fehna ya̱
 Is si anukfihinlashke, Chisʋs ma!

[V4]
 Chishno ak o̱ chim il issa lishke:
 Ʋba abinili holitopa ya̱
 Ish binili kʋt is sa pesa cha,
 Is si anukfihinlashke, Chisʋs ma!

[V5]
 Yakni 'lʋppa anta li ta̱kla kʋt
 Na̱ palʋmmi, micha aiilbʋsha ka
 Pisa la he, ʋm ʋlhpisa tok a̱,
 Is si anukfihinlashke, Chisʋs ma!

[V6]
 A sʋlla chi̱ nitak takalikma,
 Na̱ si apela hi t iksho hoka,
 Chishno sai Okchalinchi chia kʋt,
 Is si anukfihinlashke, Chisʋs ma!</lyrics>
<title>Chisʋs, hatak yoshoba i̱ kan ƲIT64</title>
<aka>Prayer to be remembered by Christ</aka>
<author>Alfred Wright</author>
</song>